સરકારને સમર્થન કરનારને ધારદાર સવાલો

ડૉ. કલ્યાણસિંહ ચંપાવત: 1990થી આજ સુધીમાં ખાતર, દવા, બિયારણને ઓજારોના ભાવ 4 ગણા થયા. તો મારા કિસાને પરસેવો પાડીને પકવેલ અનાજ, શાકભાજી કે ફળોનો ભાવ કેમ વધતો નથી ?

કિસાન ને કોઈ પણ શાકભાજી કે ફળો વેચવાથી એક કિલોએ 10 રૂપિયાથી વધુ મળતા નથી, તો પછી દર વર્ષે આ જ શાકભાજીને ફળો એક કિલોએ 100 રૂપિયાથી વધુના ભાવે એમ વેચાય છે ?

માસ્કના હોય તો 1000 રૂપિયા દંડ લેતી સરકાર કિસાનોની પેદાશો પર 1000% નફો લેતા કાળા બજારિયા ઉપર કેમ પગલાં નથી લેતી ?

નફાનું ધોરણ 20%થી 25% હોય તો પછી કોઈ ચમરબંધીને છોડીશું નહી ના બણગાં ફૂંકતી સરકાર કાળા બજારિયાઓને કેમ નાથતી નથી ?

કિસાનોને સિંચાઈ માટે હજારો તળાવોને હજારો ચેક ડેમ કાગળ પર જ બની ગયા, તો 10000 કરોડથી વધુ પ્રજાના પરસેવાના ટેક્ષના નાણાં સરકારી તિજોરીમાં પરત કેમ લાવતા નથી ?

કિસાનને એક એકર જમીન પર એક લાખનું ધિરાણ મલે, તો પછી એજ જમીન બિલ્ડરો કે ઉદ્યોગપતિઓ ખરીદે તો તેમને એક એકરે 1 કરોડથી 100 કરોડની લોન શા માટે ?

આજે ભારત સરકારના બજેટથી અડધા રૂપિયા એટલે કે 12 લાખ કરોડથી વધુ રૂપિયા NPA એટલે કે નોન પરફોર્મીંગ એસેટ્સ છે, જે માત્ર 50 ઉદ્યોગપતિઓ ના બેંકના લેણા બાકી છે ! જે લોન પરત આવવાની શક્યતા નથી તો પણ આ ઉદ્યોગપતિઓનુ કરોડો રૂપિયાનું વ્યાજ માફ શા માટે ?

કિસાન પોતાની જમીનમાં કોઈ ફેક્ટરી નાખે બિનખેતી કરવા માટે સરકાર 40% જમીન મફતમાં કપાત શા માટે કરે છે ?

કિસાનોની કપાત થયેલ જમીન ઉદ્યોગપતિઓ ને મફતના ભાવે શા માટે ખેરાત કરવામાં આવે છે ?

આ અબજો રૂપિયા સરકારી તિજોરીમાં જમા નથી થતા તો કોના ખિસ્સામાં જાય છે ?

બિલ્ડરો કે ઉદ્યોગપતિઓ બિનખેતી કર્યા પછી વર્ષો સુધી પડતર મુકી રાખે ત્યારે કેમ શ્રી સરકાર કરતા નથી ?

ખરાબાની કે પડતર લાખો હેકટર જમીન સમથળ કેમ કરતા નથી ?

આવી લાખો હેક્ટર જમીન ગરીબોને કેમ વાવવા આપતા નથી ?

સરકારને પણ 50% ભાગ મળે. આ આવક એક લાખ કરોડથી વધુ થાય. સરકારનુ બજેટ દોઢ ગણું થાય, તો આવા સુંદરને શ્રેષ્ઠ વિચારો સરકારને કેમ આવતા નથી ?

બજેટ વધે તોઘ કોઈ નેતાના ખિસ્સામાં કમિશનના આવે એટલે પ્રજાને બેવકૂફ બનાવવા સિવાય બીજુ શુ હોય ?

(આ આર્ટિકલમાં વ્યક્ત કરેલા વિચારો લેખકના વ્યક્તિગત વિચાર છે, જે dustakk.comના દ્રષ્ટિકોણને પ્રતિબીંબ કરતા નથી)

Leave a Reply

Your email address will not be published. Required fields are marked *

For security, use of Google's reCAPTCHA service is required which is subject to the Google Privacy Policy and Terms of Use.

I agree to these terms.

Share via
Copy link
Powered by Social Snap