લોકો ઉપર વધતો બોજ: મોંઘવારી વધી રહી છે પણ સામે આવક નહીં

બિઝનેસ ડેસ્ક: દેશની પ્રજા ઉપર મોંઘવારીનો ભાર વધી રહ્યો છે પણ દેશનો આર્થિક વિકાસ ઘટી રહ્યો હોવાથી અને કોરોનાના કારણે આવકમાં મોટો ફટકો પડ્યો હોવાથી તેનો બોજ ગ્રાહક ભાવાંકના સ્ટેટીસ્ટીક્સ કરતા વધારે પડી શકે છે. જુલાઈ મહિનામાં ગ્રાહક ભાવાંક (કન્ઝ્યુમર પ્રાઈસ ઇન્ડેક્સ)ના આધારે માપવામાં આવતી મોંઘવારી સતત ચોથા મહીને વધી છે. જૂન મહિનાના ૬.૨૩ ટકાના ગ્રાહક ભાવાંક સામે જુલાઈમાં મોંઘવારી ૬.૯૩ ટકા નોંધાઈ છે. ગ્રાહક ભાવાંકમાં ખાદ્યચીજોનો સૌથી મોટો હિસ્સો છે અને જુલાઈમાં તેનો ફુગાવો ૮.૭૧ ટકા જોવા મળ્યો હતો. આ ઉપરાંત, ગ્રામ્ય ગ્રાહક ભાવાંક ૬.૧ ટકા અને શહેરી વિસ્તારમાં ૭.૮૮ ટકા રહ્યો હતો. વિવિધ ચીજોમાં શાકભાજીનો ફુગાવો ૧૧.૨+૯ ટકા, ફ્રુટ્સ ૦.૧૩ ટકા અને કઠોળના ભાવ ૧૫.૯૨ ટકા વધ્યા હતા.

રિઝર્વ બેંકને મોનેટરી પોલીસી કમિટી વ્યાજનો દર નક્કી કરવા માટે ગ્રાહક ભાવાંકને માપદંડ માને છે. આ કમિટી માટે ગ્રાહક ભાવાંક ૪ ટકા (ઉપર ૬ ટકા અને નીચેના સ્તરે ઓછામાં ઓછુ ૨ ટકા) હોવો જરૂરી છે. ગત સપ્તાહે જ રિઝર્વ બેન્કે ધિરાણ નીતિની સમીક્ષામાં ફુગાવો હજુ પણ વધશે એવી આગાહી સાથે વ્યાજના દર સ્થિર રાખ્યા હતા. જુલાઈનો ફુગાવો ઉંચો રહેતા હવે આ નિશ્ચિત થઇ ગયું છે કે હમણાં વ્યાજના દર ઘટશે નહી.

અગાઉથી દસ વર્ષમાં સૌથી ધીમી રીતે વધી રહેલા ભારતીય અર્થતંત્ર માટે કોરોના વાયરસની મહામારીના કારણે દેશમાં લોકડાઉનના લીધે વધારે પડકાર ઉભા થયા છે. રિઝર્વ બેંક પોતે સ્વીકારે છે કે નાણાકીય વર્ષ ૨૦૨૦-૨૧માં દેશનો જીડીપી દર નેગેટીવ રહેશે. એટલે કે લોકોને માથાદીઠ આવક વધવાના બદલે ઘટશે. આ કિસ્સામાં ફુગાવો વધે તો એ પ્રજા ઉપર બમણો માર કહેવાય. અર્થશાસ્ત્રમાં આ સ્થિતિને સ્ટેગફ્લેશન (એટલે કે વિકાસ નહી પણ મોંઘવારી વધવી) કહેવાય.

Leave a Reply

Your email address will not be published. Required fields are marked *

For security, use of Google's reCAPTCHA service is required which is subject to the Google Privacy Policy and Terms of Use.

I agree to these terms.

Share via
Copy link
Powered by Social Snap