સુભાષચંદ્ર બોઝની 125 મી જન્મજયંતિ પર પશ્ચિમ બંગાળમાં રાજકીય હલચલ તેજ

કોલકાતા: સુભાષચંદ્ર બોઝની 125મી જન્મજયંતિ નિમિત્તે આજે કોલકાતામાં રાજકીય હલચલ તીવ્ર બની છે. આ પ્રસંગે પશ્ચિમ બંગાળના મુખ્યમંત્રી મમતા બેનર્જી કોલકાતામાં પદયાત્રા નિકાળી હતી, જ્યારે વડા પ્રધાન નરેન્દ્ર મોદી વિક્ટોરિયા મેમોરિયલમાં યોજાયેલા “પરાક્રમ દિવા” સમારોહને સંબોધન કરશે. આ વર્ષે પશ્ચિમ બંગાળમાં વિધાનસભાની ચૂંટણી યોજાવાની છે. તેથી, બંને રાજકીય પક્ષો પોતાની મજબુત પકડ બનાવી રહ્યાં છે.

બંગાળની ચૂંટણીને ધ્યાનમાં રાખીને જોઈએ તો, નેતાજીની 125મી જન્મજયંતી ટીએમસી અને ભાજપ બંને માટે ખૂબ જ મહત્વપૂર્ણ છે. જોકે, ભાજપ પોતાને બંગાળી ઓળખ સાથે જોડવાનો પ્રયત્ન કરી રહ્યો છે, જ્યારે ટીએમસી બંગાળી સંસ્કૃતિને રક્ષક તરીકે સાબિત કરવા માંગે છે. બપોરે 12.15 વાગ્યે, નેતાજીનો જન્મ થયો હતો, તેથી મમતા બેનર્જી 12.15 વાગ્યે શંખ શેલ ધરીને પદયાત્રાનો પ્રારંભ કરી હતી. આ પદયાત્રામાં મમતાની સાથે પાર્ટીના મોટા નેતાઓ અને સમાજના અગ્રણી લોકો પણ ઉપસ્થિત રહ્યા હતાં. આ ઉપરાંત મમતાએ સમગ્ર પશ્ચિમ બંગાળના લોકોને વિનંતી કરી છે કે નેતાજીના સન્માનમાં લોકોએ રાત્રે 12.15 વાગ્યે તેમના ઘરે શંખ વગાડે.

પીએમ મોદી આજે નેશનલ લાઇબ્રેરી અને વિક્ટોરિયા મેમોરિયલ ખાતેના કાર્યક્રમમાં હાજરી આપશે અને આ દરમિયાન સંબોધન કરવામાં આવશે.પશ્ચિમ બંગાળના મુખ્યમંત્રી મમતા બેનર્જીને પણ આ કાર્યક્રમ માટે આમંત્રણ અપાયું છે. અત્યારે એ નક્કી નથી થયું કે મમતા આ કાર્યક્રમમાં જોડાશે કે નહીં. જો મમતા આ પ્રોગ્રામમાં સામેલ થાય છે, તો સાંજે પીએમ મોદી અને મમતા બેનર્જી એક જ પ્લેટફોર્મ પર દેખાઈ શકે છે. આ રાજકારણનું મોટું ચિત્ર હશે.

Leave a Reply

Your email address will not be published. Required fields are marked *

For security, use of Google's reCAPTCHA service is required which is subject to the Google Privacy Policy and Terms of Use.

I agree to these terms.

Share via
Copy link
Powered by Social Snap