ખેડૂતોના શાંતિપૂર્ણ રીતે ટ્રેક્ટર પરેડ કાઢવાનો દાવો કરતા અનેક સ્થળોએ રેલી ઉગ્ર બની ગઈ છે. સિંઘુ બોર્ડરથી મુકરબા ચોક પાસે ટ્રેકટર પર સવાર ખેડૂતો રોષે ભરાયા હતા. જ્યારે ખેડૂતો બાહર રિંગરોડ તરફ જવા પર અડગ થયા તો પોલીસે તેમને રોકવાનો પ્રયાસ કર્યો હતો અને ખેડૂતોએ બેરિકેડ્સ તોડવાનું શરૂ કર્યું હતું. બસના કાચ તોડ્યા. ભીડને વિખેરવા પોલીસે ટીયર ગેસના શેલ છોડવા પડ્યાં હતાં.
ટ્રેક્ટર રેલીમાં, જ્યાં પ્રદર્શનકારીઓના નિયત માર્ગની આગળ જતા જોવા મળ્યા છે, પોલીસ તેમને રોકવા માટે તેમના પર ટીયર ગેસના શેલ ફાયર કરતી જોવા મળ્યા છે. દરમિયાન, પોલીસ નાંગલોઇમાં વિસ્તારને બ્લોક કરવા રસ્તા પર બેઠા હતાં.
મુકરબા ચોકમાં પરિસ્થિતિ સતત બગડી રહી છે. ખેડૂતોએ હિંસક વલણ અપનાવ્યું છે. પોલીસ દ્વારા રાખવામાં આવેલા ડમ્પરના કાચને ખેડૂતોએ તોડી નાખ્યા હતા. ખેડૂતો અહીંથી જીટી કરનાલ રોડ પર આવેલ જહાંગીરપુરી તરફ આગળ વધ્યા છે.
ખેડૂતોએ અપ્સરા બોર્ડર પર પોલીસ દ્વારા નક્કી કરેલો માર્ગ તોડી નાખ્યો છે. અપ્સરા બોર્ડર પર, ખેડૂતોએ પથ્થરોથી સજ્જ બેરિકેડ્સને રસીથી બાંધી તેને ટ્રેક્ટરમાંથી ખેંચી લીધા. સાથે પોલીસ કર્મચારીઓએ આઝાદપુર મેટ્રો સ્ટેશન નજીક નિહંગ્સ પર હુમલો કર્યો હતો. દિલ્હી પોલીસના નિયત માર્ગનું ઉલ્લંઘન કરનારા ખેડૂતો હવે બાહર રિંગરોડ થઈને દિલ્હી તરફ પ્રયાણ કરી ચૂક્યા છે. પોલીસ પણ તેમને રોકી રહી નથી.
સાથે ખેડૂતો યુપી ગેટ પર દિલ્હી ગયા છે. ટ્રોલીઓ પણ ટ્રેક્ટર સાથે જોડી બનાવવામાં આવી છે, જેમાં ખાદ્ય વસ્તુઓ અને સિલિન્ડર વગેરે પણ રાખવામાં આવે છે. દિલ્હી જવા નીકળેલા ખેડૂતોના ટ્રેકટરોમાં સાઇરેન પણ લગાવવામાં આવ્યા છે. આ ઉપરાંત ટ્રેક્ટર ટ્રોલીમાં પણ લાઉડ સાઉન્ડ ડીજે વગાડવામાં આવી રહી છે. પરંતુ તે દરમિયાન, સિસ્ટમ બગડવાના કારણે યુપી ગેટ ગાજીપુર બોર્ડર પર પરિસ્થિતિ જામ થઈ ગઈ છે.
