દીપિકા પાદુકોણના નામમાં બીજી એક સિદ્ધિ જોડવામાં આવી છે. તે કોઈ પણ ફિલ્મની સફળતાની વાત નથી. દીપિકા પાદુકોણને એથેન્સ આંતરરાષ્ટ્રીય એરપોર્ટ પર એક પ્રદર્શનમાં દર્શાવવામાં આવી છે. પ્રદર્શનનું નામ (The Authentic Smile Of The World Of People)છે.
અભિનેત્રી દીપિકા પાદુકોણની સ્માઇલ હવે એથેન્સમાં ઓળખાશે. દીપિકાને એથેન્સ આંતરરાષ્ટ્રીય એરપોર્ટ પર એક પ્રદર્શનમાં દર્શાવવામાં આવી છે.
એથેન્સ એરપોર્ટ પર દીપિકાની પ્રતિમા
કોરોનાના કારણે વિરામ બાદ મહેમાનોને આવકારવા માટે એથેન્સ આંતરરાષ્ટ્રીય એરોપોર્ટ પર ઓથેન્ટિક સ્મિતોનું પ્રદર્શન શરૂ કરવામાં આવ્યું છે.
પ્રતિમાની નીચે છે અભિનેત્રીની ઓળખ
પ્રતિમા હેઠળ લખ્યું છે કે, ‘ભારતીય બોલિવૂડ અભિનેત્રી એથેન્સ આંતરરાષ્ટ્રીય એરપોર્ટ પર હસી રહી છે. ગ્રે માર્બલ, 2020 એ.ડી. દીપિકાની ‘ લંડનના મેડમ તુસાદ્ વેક્સ મ્યુઝિયમમાં મીણની પ્રતિમા પણ છે.
તમને જણાવી દઇએ કે, દીપિકા પાદુકોણ સિવાય, તે સ્થળે ઘણી વધુ પ્રતિમાઓ છે. આ વિવિધ પદાર્થોથી બનેલી પ્રતિમા છે, જેમ કે કેટલાક સફેદ આરસપહાણ જેવા અને કેટલાક લાકડાના બનેલા છે. ખાસ વાત એ છે કે ઘણા સુંદર ચહેરાઓમાં દીપિકાનો પણ સમાવેશ કરવામાં આવ્યો છે. દીપિકાએ ફિલ્મોમાં પોતાના કામથી લોકો પર એવી છાપ છોડી દીધી છે કે દરેક હૃદયમાં તેની સ્મિત હોય છે.
