ગલવાન ઘાટી અથડામણનો વીડિયો ચીનની સરકારી મીડિયાએ જાહેર કર્યો,જુઓ વીડિયોમાં શું છે?

ગલવાન ઘાટી હિંસાને લઈને ચીન સરકારે મીડિયોના ટ્વિટર હેન્ડલ પરથી શુક્રવારે બે વીડિયો શેર કરવામાં આવ્યાં છે. જેમાં ભારતીય અને ચીની સૈનિકો વચ્ચે ગલવાનમાં કથિત અથડામણના દ્રશ્યો બતાવવામાં આવ્યાં છે. જોકે, આ સત્યતાની પુષ્ટિ કરી શકાતી નથી. તે ચીન દ્વારા બહાર પાડવામાં આવ્યું હોવાથી, તે તેમાં પોતાનો દૃષ્ટિકોણ રજૂ કરે તેવું લાગી કહ્યું છે.

આ વીડિયો શેન શિવાઈ (જે પોતાને ચીની બાબતોના નિષ્ણાંત તરીકે વર્ણવે છે) નામના વ્યક્તિએ ટ્વિટર પર શેર કર્યો છે. ચીનના સત્તાવાર મીડિયાએ શિવાઈના એકાઉન્ટ પર લેબલ લગાવ્યું છે.

વીડિયોમાં શું છે?

શેન શિવાઈના જણાવ્યા અનુસાર, વીડિયોમાં ગલવાન ઘાટીમાં અથડામણ જોવા મળી રહી છે. વીડિયોમાં એ પણ જોવા મળી રહ્યું છે કે નદી ઉપર પુલ બનાવવાનો પ્રયાસ થઈ રહ્યો છે. સૈનિકો તેમની યોજના બનાવી રહ્યાં છે. ચીનનું કહેવું છે કે ગલવાનમાં થયેલી હિંસામાં તેના 4 સૈનિકો માર્યા ગયા હતા. જોકે, એવું કહેવામાં આવી રહ્યું છે કે ચીને માર્યા ગયેલા સૈનિકોની સંખ્યામાં ઘટાડો કર્યો છે. અગાઉ ભારતીય સેનાના ઘણા અધિકારીઓ કહી ચૂક્યા છે કે, ગલવાનમાં 40થી વધુ ચીની સૈનિકો માર્યા ગયા હતાં.

ભારત-ચીન 10મા રાઉન્ડની લશ્કરી વાતચીત

આ વીડિયો એવા સમયે જાહેર કરવામાં આવ્યો છે,જ્યારે પૂર્વ લદ્દાખમાં સરહદ વિવાદ અંગેના અંતરાલને ઉકેલવા માટે બંને દેશો લશ્કરી સ્તરની વાતચીત કરી રહ્યાં છે. ભારત અને ચીન વચ્ચે 20 ફેબ્રુઆરીએ મોલ્ડોમાં કોર્પ્સ કમાન્ડર લેવલની 10મા રાઉન્ડની વાતચીત યોજાશે. આવી સ્થિતિમાં, ચીની મીડિયા ફક્ત આ વીડિયોને બહાર પાડીને પ્રચાર ફેલાવવા માંગે છે.

જણાવી દઇએ કે, ભારત અને ચીન વચ્ચે અગાઉ લશ્કરી વાટાઘાટોમાં એલએસી પર શાંતિ અને સ્થિરતા જાળવવાનો કરાર થયા હતા. પૈંગોંગના ઉત્તર અને દક્ષિણ છેડેથી બંને દેશો વચ્ચે વિખેરી નાખવાની પ્રક્રિયા પૂર્ણ થઈ ગઈ છે.

ભારતના 20 સૈનિકો શહીદ થયા હતા

પાછલા વર્ષે જૂનમાં પૂર્વી લદ્દાખમાં ગાલવાન ઘાટીમાં ભારતીય અને ચીની સૈનિકો વચ્ચે લોહિયાળ અથડામણમાં કમાન્ડિંગ ઓફિસર કર્નલ સંતોષ બાબુ સહિત 20 ભારતીય સૈનિકો માર્યા ગયા હતા. જોકે ચીને શરૂઆતમાં આ અથડામણમાં તેના કોઈપણ સૈનિકના મોતને નકારી હતી અને આ ઘટના માટે ભારતીય સેનાને જવાબદાર ઠેરવી હતી. પરંતુ હવે તે પોતાના ચાર સૈનિકોના મૃત્યુને સ્વીકારી રહ્યું છે.

Leave a Reply

Your email address will not be published. Required fields are marked *

For security, use of Google's reCAPTCHA service is required which is subject to the Google Privacy Policy and Terms of Use.

I agree to these terms.

Share via
Copy link
Powered by Social Snap